പരിചിതര്‍ ..

മുറിച്ചു മാറ്റുവാന്

എളുപ്പമേറ്റം

ഈ

ഓര്‍മയൊഴുകും

മൃദു ഞരമ്പുകളെ ..!

പരസ്പരം

കത്തി ഇറക്കിയാഴ്ത്തവേ

ചെറുചിരിയോടെ

അറിഞ്ഞു നാമിത് .

നമുക്കിടയിലായ്

വീശുമീ

കൊടും ശീതമാം

കാറ്റില്‍

പൊള്ളും പ്രണയം പോലും

ഹിമ തുല്യമായ് പോയെങ്കില്‍

ഒരു നിമിഷത്തില്‍

ഉറഞ്ഞു പോകാതിരിക്കുമോ ,

വെറും ജലത്തില്‍

നാം നെയ്ത

കനവിന്‍ പാളികള്‍ ?

നടന്നകന്നു നാം,

വിട പറയാതെ

തമ്മില്‍ അകന്നു പോകുമീ

വഴിത്താരകളില്‍ ..

തല തിരിച്ചെന്നാല്‍

അമര്‍ന്നു പോയേക്കും

ശിലകലായങ്ങു !!!

ഭയന്നാവാം ,

തിരിഞ്ഞു നോക്കാറില്ല നാം

ജീവിതം

ആടി തളരുവോളം ..

ഒഴുക്ക്

മരത്തോടു

ചേര്‍ന്നിരുന്നപ്പോള്‍ ,

കാറ്റായിരുന്നു

ഒഴുക്ക് .

ഞെട്ടറ്റ്

പുഴയില്‍ വീണപ്പോള്‍ ,

ഞാന്‍ തന്നെ

ഒഴുക്കായി !

പഠനം

എല്ലാം

അറിഞ്ഞു പഠിക്കാന്‍ആയിരുന്നു

ആഗ്രഹം.

ആഴമെന്തെന്നു അറിയാനാണ്

നിന്നിലേക്ക്‌ ഇറങ്ങിയത്‌ .

നീ

ശ്വാസം എന്തെന്നും

പഠിപ്പിച്ചു .

ഒടുവില്‍,

ശ്വാസം അറ്റ്‌

നിന്നില്‍

ആഴം അറിഞ്ഞു..

അകക്കാഴ്ചകള്‍ ..

**
ദൈവത്തിനും വികൃതി തോന്നിയ
ഏതോ നേരത്താവണം ,
ചായങ്ങള്‍ പോലും ഇല്ലാതെ
വെറും പെന്‍സില്‍ കൊണ്ട്
എന്നെ നിനക്കൊപ്പം
വരച്ചു ചേര്‍ത്തത് !

**